ENTORNO
O municipio de Ponteareas, ó sur da provincia de Pontevedra, está encravado na bisbarra de O Condado e A Paradanta. Ó norte, limita con Mondariz-Balneario e Pazos de Borbén; ó sur con Salceda de Caselas e Salvaterra de Miño; ó leste con Mondariz e As Neves e ó oeste con Mos e O Porriño.

Conta cunha extensión de 126,2 km² e está formado por 24 parroquias que suman uns 23.000 habitantes, sendo un dos maiores municipios da provincia.

A maior parte do territorio de Ponteareas está conformado polo amplo e produtivo val do Tea. Cara ó extremo noroeste do concello, as estribacións da Serra de Galleiro culminan en cotas superiores ós 700 metros. Mentres, o sector máis oriental está dominado polas elevacións dos Montes de A Paradanta.

O clima de Ponteareas é moi benigno, do tipo oceánico húmido, con tendencia á aridez estival.

A rede hidrográfica de Ponteareas está xerarquizada polo río Tea e os seus afluentes o Cillarga, o Xinzo e o Cristiñade, pola súa marxe dereita, e o Uma, pola súa esquerda, recibe tamén as augas do Borbén, en Ponte Caneiro, nas parroquias de Pías e Fozara, regando a bisbarra de norte a sur.

Ponteareas ten unhas excelentes comunicacións con todos os seus veciños a través da A-52, Autovía das Rías Baixas (Vigo-Orense-Madrid), a N-120, coa mesma dirección, e as provinciais ou comarcais que se dirixen a Arbo, As Neves, Salvaterra de Miño, Mondariz e a todo o conxunto do concello.

COMO CHEGAR

Este concello está estratexicamente situado e relacionado con importantes núcleos de poboación e participa de cheo na vida urbana, coas vantaxes dunha pequena vila, a 26 quilómetros de Vigo e a 45 quilómetros de Pontevedra.

Por estrada:

Para dirixirnos a Pontereas, dende calquera punto de Galicia, só teremos que enlazar coa A-52 (Autovía da Rías Baixas) e seguir ata a saída 294 Ponteareas, Salvaterra de Miño, Mondariz, que enlaza coa PO-403 e que nos leva directos ó núcleo urbán.

En avión:

O aeroporto máis próximo é o de Peinador, en Vigo, situado a 27 km.de Ponteareas.

En tren:

A estación de ferrocarril de Vigo, O Porriño e Salvaterra de Miño son as máis próximas e comunícanse con Ponteareas mediante liña regular de autobús.

En autobús:

Existe unha conexión regular con Ponteareas dende Vigo, A Cañiza, Ourense, O Carballiño, Chantada, Xinzo de Limia e Madrid.

PONTEAREAS EN FESTAS.

Ponteareas, berce de grandes compositores e bandas de música, conserva tradicións coma as danzas dos Ranchos de Reis ou a súa tradición ciclista.

Pero por enriba delas destaca a enraizada tradición na confección das alfombras florais. Estas alfombras elabóranse na festividade do Corpus Christi, a celebración máis destacada de toda a comarca, e que lle serviu a Ponteareas para ser coñecida como “A Vila do Corpus”.

Ponteareas é un referente internacional na arte da confección de alfombras florais e a súa tradición é das máis antigas do mundo, xa que está documentado que alá polo 1857, xa era un costume arraigado entre os seus veciños, a colocación de elementos vexetais para o paso do Santísimo.

O tempo de festas ofrece o máis positivo da sociedade nunha armoniosa e alegre conxunción entre paisanaxe e paisaxe, entre o sacro e o profano.

EL EDIFICIO
- Edificio de 24 viviendas; compuesto de 3 sótanos, 1 planta baja, 5 plantas altas y 1 planta bajo cubierta.

- Situado en C/ Lamazanes nº 1 - Esquina C/ Paseo Matutino, Ponteareas, (Pontevedra).

PISOS COMPLETAMENTE TERMINADOS.

IMPORTANTES DESCUENTOS DE HASTA EL 15% EN EL PRECIO DE LAS VIVIENDAS.